KONKNNIVADI – ROMIVADI – NAGRIVADI. I. Goyant aiz passun tor Konkani jivi urlea zalear fokot Romi Konknnivadeank lagon kiteak ti bhas tanni apleam goraninch vapurli oxem nhoi pun vhodd kam tanni kelem tem hem ki tanni ti aplea devosavani ou Igorzani apleo dhormik kariavolli korunk vapurli. Ji bhas tum tujea devosponank vapurtai ti bhas tukam sarki chittkon urta ani hench Romi Konknnivadeam sovem ghoddlem. Kal tor Konknni bhasek maniotai mellea zalear ti fokot Romivadeank lagon kiteak ji loddai tanni manddloli serkaracher KPA (Konknni Ponjecho Avaz) hache torfen te loddaen KPA zoitivont zali. Choddan chodd KPA-hache chollvollin bhag ghetalet te fokot Romivadi, 7 zann Martir zalet he chollvollint vantto ghetla tedna te sogle amche Romivadi pun Nagrivadi ekloi naslo aplo jiv riskar ghalpak, hozarani ani Lakhani duddu daddlet Goyam Konknnichi chollvoll fuddem vorpak te sogle Romivadi Kuwaitche ani her Gulfachea deshantle Goykar te. Team duddvanchea fustar Goyant mas kaim zannani aplim bolsam bhorlint ani amkam toxench Konknniche chollvollik fottoili. Itleim korun nimmnea vellar kitem kelem team beiman Nagrivadeani? Dadai na ani Puddveim na, ami aslet tingach urlet kiteak amche modem ek khoddokh mhonn Goyant leader na Romi Konknnicho fuddakar ghevpak. Amche laguim assat te chodd se Baizona, te uxear pivpak Tollean ani nhoi vhorixt somdiran. Aiz tor Nagrivadi amche tokler voir boson amcher tor te mut’that zalear amche Romivadi dodd nhoi mhonn. Te zannat fokot apleachem vhoddpon ani podvi amchech modem dakoupak. Nagrivadiank vincharlear te sangtat ki ami Konknnichem Draft bill toiar korun Romivadeank ze KPA hantun rig gheun aslet tankam tem “chek” korunk dilolem ou dovorlolem pun zor tor tani tacher aplo dhavo dollo passun dovorlona zalear amcho guneaum? Oxem te Nagrivadi sangtat. Zor te hem soth mhonn sangtat zalear amkam sobemazar sangchem ki je KPA hanunt Romiche fuddari aslet te tedna khuim aslet he porim kiteak beporva keli aple zababderechi Romi Konknni sovem zache vorvim Romi Konknnink ek vhodd gath kelo na? Oxem korun tanni amkam trassan uddoilet, tanni toxem korun ami itlo vavr itlim vorsam Kuwaitak ani her deshani ravon kelolo Konknni passot itlim vorsam to vavr amcho team vollkottani nirfoll kelona? Ani voilean tondd gheun sobemazar samazan te boumtat toxench Konknniche koslei programme assot tor tantunui bhag ghetat. Makam ghomonk zai sobemazmar kon - kon Romi Konknnivadi KPA hantun aslet te ani hem jem kitem anvem boroilam tantun soth assa ou tantun kitem bondoll assam zalear sangchem kiteak Nagrivdeam modem sabar fotting Konknni mogui assat te Konknnichea mogan Konknni chollvollin nant pun fokot Romi Konknni kobar korpak ani Romivadeank mol naslole korpak. Kon zait gai te zanni Draft Bill toiyar korun dilolem te? Te khorench Goenkar ou Ghanttaile Morattivadi< Tnache ordean naslem gai kalliz aplea Goenkarponchem? Khuimchea khoddpar zolomolelet gai te ranvotti koxe vavurlet tem Draft Bill toiyarnkorpak? Zait gai tanche sogleanche dolle futtlole ani kanani apleam tnni Kapus ghatlole polloupak ani aikopak zo vavr Romivadeani kela to Konnichi chollvoll fuddem vorpak? Hea tnche manadik vasvrak illoso tori faido Romi Konknnik zaunk naka aslo? Romi Konknnik tanni tes dolldireani sarkech fottoile ani urlole je apun vhodd Nagrivaid mhonn xatier hath marun fozne martalet te khuim ghelet tor hea vellar? Kitle beiman munis zaunk naka zait te zanni sothak fatt korun fottik fuddo kelo ani nhoi tem vhoi kelem ani Romi Konknnichem padd ghatlem zachem vorvim Romikonnichem sontennas korta toxem kelem. Te itle sokoilea panvddeache mhonn aum nokom aslom ani voilan tanche modem kaim zann bapaichem ani avoichem vhoddpon sangtat. Dusro bhag fuddle don dissam modem vachunk melltolo. A.Veronica Fernandes.
↧